మన దేశంలో పురుషులలో సాధారణంగా వచ్చే క్యాన్సర్స్

ప్రస్తుతం మన భారతదేశంలో క్యాన్సర్ అనేది ఒక పెద్ద సమస్య. ప్రపంచ ఆరోగ్య సంస్థ ప్రచురించిన నివేదిక ప్రకారం, పదిమంది భారతీయులలో ఒకరికి క్యాన్సర్ వచ్చే అవకాశం ఉందట, అలాగే క్యాన్సర్ వచ్చిన ప్రతీ 15 మందిలో ఒకరు దీని వల్ల మరణిస్తున్నారు. ఈ నివేదిక చెప్పిన దాని ప్రకారం క్యాన్సర్ ఎంత విస్తరించిందో అర్థంచేసుకోవచ్చు. ఇండియన్ కౌన్సిల్ ఆఫ్ మెడికల్ రీసెర్చ్ సమర్పించిన ఒక పరిశోధనలో, 2025 నాటికి భారతదేశంలో క్యాన్సర్ కేసులు ఏడు రెట్లు పెరిగే అవకాశం ఉందని వెల్లడైంది! గాలి కాలుష్యం పెరుగుదల, చైన్ స్మోకర్ల సంఖ్య పెరుగుదల, అలవాటు జీవనశైలి మొదలైన కారణాల వల్ల క్యాన్సర్ నిర్ధారణలలో ఈ తీవ్రమైన గ్రోత్ కనిపిస్తుంది. ఇది ఇలాగే కొనసాగితే ఎంత పెద్ద సమస్యగా మారుతుందో ఊహించలేం.

మన దేశంలో పురుషులలో సాధారణంగా ఐదు రకాల క్యాన్సర్లు ఎక్కువగా వస్తున్నాయి. వాటి గురించి సరైన అవగాహన మనందరికీ ఉండటం చాలా అవసరం. సరైన అవగాహన ఉన్నట్లయితే ఆ క్యాన్సర్ నివారణలను పాటించడం కానీ లేక ఆ క్యాన్సర్ ను ప్రాథమిక దశలలో గుర్తించడానికి కానీ వీలుంటుంది.

భారతదేశంలో పురుషులలో సాధారణంగా వచ్చే ఐదు క్యాన్సర్లు

1. లంగ్  క్యాన్సర్

ఈ రకమైన క్యాన్సర్ ఊపిరితిత్తులలో ఏర్పడటం ప్రారంభమవుతుంది, ఊపిరితిత్తులు శ్వాసను పీల్చుకోవడానికి మరియు వదిలివేయడానికి సహాయపడే అవయవాలు. ఊపిరితిత్తుల క్యాన్సర్ ప్రపంచవ్యాప్తంగా ఎక్కువ క్యాన్సర్ మరణాలకు కారణమైన ప్రధాన క్యాన్సర్లలో ఒకటిగా పరిగణించబడుతుంది. ధూమపానం చేయడం ఊపిరితిత్తుల క్యాన్సర్‌కు ప్రధాన కారణం. అయితే, సెకండరీ ధూమపానం వల్ల ఇబ్బందికి గురైన వ్యక్తులు కూడా ప్రమాదంలో పడవచ్చు.

లంగ్ క్యాన్సర్ లక్షణాలు

• నిరంతర దగ్గు
• ఛాతీ నొప్పి
• అకారణంగా బరువు తగ్గడం
• శ్వాస తీసుకోవడంలో సమస్య
• ఎముక నొప్పి మరియు తలనొప్పి

యాక్టివ్ మరియు పాసివ్ ధూమపానం మాత్రమే కాకుండా, రాడాన్ వాయువు మరియు అస్బెస్టాస్‌ పోల్యుషన్ కు గురైన వ్యక్తులు కూడా అధిక ప్రమాదానికి గురవుతారు. కొన్నిసార్లు గతంలో రేడియేషన్ థెరపీ కూడా ఈ క్యాన్సర్‌కు కారణమవుతుంది.

ఊపిరితిత్తుల క్యాన్సర్ మన దేశంలో పురుషులలో అత్యంత సాధారణ క్యాన్సర్లలో ఒకటి. గ్లోబోక్యాన్ 2012 నివేదిక ప్రకారం, అప్పటికే భారతదేశంలో సుమారు 70,275 ఊపిరితిత్తుల క్యాన్సర్ కేసులు ఉన్నాయి. భారతీయ పురుషుల విషయంలో, సుమారు 53,728 కొత్త ఊపిరితిత్తుల క్యాన్సర్ కేసులు ఉన్నాయి. ఇంకా రీసెంట్ స్టాటిస్టిక్స్ ప్రకారం ఈ సంఖ్య పెరుగుతూనే ఉంది.

లంగ్ క్యాన్సర్ నివారణలు

• ధూమపానం వీలైనంత త్వరగా మానేయండి.
• ప్యాసివ్ ధూమపానం నుండి దూరంగా ఉండండి.
• పర్యావరణ క్యాన్సర్ కారకాలకు ఎక్కువగా గురికావడం వంటి ప్రమాద కారకాలను నివారించడానికి ప్రయత్నించండి.
• కుటుంబ చరిత్రలో లంగ్ క్యాన్సర్ ఉన్నట్లయితే, మీరు మీ వైద్యుడితో మాట్లాడండి.

2. కోలో రెక్టల్ క్యాన్సర్

ఈ రకమైన క్యాన్సర్ సాధారణంగా పెద్ద ప్రేగు నుండి ప్రారంభమవుతుంది. పెద్ద ప్రేగు జీర్ణశక్తి వ్యవస్థ యొక్క ముఖ్యమైన భాగం. పెద్ద ప్రేగు ఐదు అడుగుల ట్యూబ్, మరియు చిన్న ప్రేగులోకి ప్రవేశించిన తర్వాత మిగిలిన ఆహార పదార్థం నుండి నీరు మరియు ఉప్పును గ్రహించే బాధ్యతను ఇది వహిస్తుంది. క్యాన్సర్ పెద్ద ప్రేగు లేదా మలద్వారం యొక్క లోపలి పొర నుండి ప్రారంభమవుతుంది. ఈ వృద్ధిని పాలిప్స్ అంటారు.

కోలో రెక్టల్ క్యాన్సర్ లక్షణాలు

• డయరియా లేదా మలబద్ధకం
• నిరంతర కడుపు నొప్పి
• మలద్వారం నుండి రక్తస్రావం
• మల విసర్జన సమస్యలు
• బలహీనత
• అకారణంగా శరీర బరువు తగ్గడం

50 సంవత్సరాలు పైబడిన వ్యక్తులకు ఈ క్యాన్సర్‌ వచ్చే అవకాశం ఎక్కువ. కొలన్ క్యాన్సర్ లేదా నాన్-క్యాన్సరస్ కొలన్ పాలిప్స్ యొక్క మెడికల్ హిస్టరీ వలన దాని అభివృద్ధికి దారితీయవచ్చు. అంతే కాకుండా, దీర్ఘకాలిక వ్యాధులు, ఊబకాయం లేదా మధుమేహం ఉన్న వ్యక్తులు కూడా ప్రమాదంలో ఉండవచ్చు.

ఈ క్యాన్సర్ వెనుక నిర్దిష్ట కారణాలు లేవు. అయితే, కొలన్ కణాల డి యన్ ఎ లో నష్టం ఈ క్యాన్సర్‌కు కారణమవుతుంది. దీన్ని నివారించే ఏకైక విధానం క్యాన్సర్‌ను తోలి దశలలో నిర్దారించడం.

భారతదేశంలో పురుషులలో అత్యంత సాధారణ క్యాన్సర్ ఏది అని మీరు ఆలోచిస్తున్నట్లయితే, మీరు కొలొరెక్టల్ క్యాన్సర్‌ను పరిగణించాలి. ఈ క్యాన్సర్ 2020లో ప్రపంచవ్యాప్తంగా సుమారు 9.16,000 మరణాలకు కారణమయ్యింది. భారతదేశం పురుషులలో క్యాన్సర్ మరణాలకు ప్రధాన కారణం ఇదే. GLOBOCAN ఇండియా 2018 నివేదిక ప్రకారం, భారతదేశంలో సుమారు 27,000 కొలొరెక్టల్ క్యాన్సర్ కేసులు నమోదయ్యాయి. ఈ నివేదిక కూడా భారతదేశంలో పురుషులలో కొలన్ మరియు మలద్వారం క్యాన్సర్ల వార్షిక సంభవనీయత రేట్లు వరుసగా 1,00,000కు 4.4 మరియు 4.1 అని సూచిస్తుంది.

కోలో రెక్టల్ క్యాన్సర్ నివారణలు

• ఆరోగ్యకరమైన ఆహారం తినండి. మీ ఆహారంలో ఫైబర్ అధికంగా ఉండే ఆహారాలు, పండ్లు, కూరగాయలు మరియు ధాన్యాలను చేర్చండి.
• క్రమం తప్పకుండా వ్యాయామం చేయండి.
• ఆరోగ్యకరమైన బరువులో ఉండేలా చూసుకోండి.
• 45 ఏళ్లు పైబడిన వారు ప్రతి 10 సంవత్సరాలకు ఒకసారి కోలోనోస్కోపీ చేయించుకోవాలి.

3. లివర్ క్యాన్సర్

ఈ రకమైన క్యాన్సర్ కాలేయ కణాలలో ప్రారంభమవుతుంది. కాలేయం మీ కడుపుకు పైన మరియు మీ డయాఫ్రాగమ్ క్రింద ఉంటుంది. హెపటోసెల్యులార్ కార్సినోమా అనేది అత్యంత సాధారణ కాలేయ క్యాన్సర్ రకం. ఇతర క్యాన్సర్ల లాగా, లివర్ క్యాన్సర్ కాలేయ కణాలు వాటి డి యన్ ఎ లో మ్యుటేషన్‌ను అభివృద్ధి చేసినప్పుడు ఏర్పడుతుంది. దీర్ఘకాలిక హెపటైటిస్ ఇన్ఫెక్షన్లు కూడా ఈ క్యాన్సర్‌కు కారణమవుతాయి.

లివర్ క్యాన్సర్ లక్షణాలు

• అకారణంగా శరీర బరువు తగ్గడం
• ఆకలి లేకపోవడం
• కడుపు నొప్పి
• కడుపు వాపు
• వికారం మరియు వాంతి
• చర్మంపై పసుపు రంగు పిగ్మేన్టేషన్
• కడుపు నొప్పి
• అలసట

లివర్ సిర్రోసిస్ ఉన్న వ్యక్తులు, HBV లేదా HCVతో దీర్ఘకాలిక ఇన్ఫెక్షన్, కాలేయ వ్యాధులు, మధుమేహం, ఫ్యాటీ లివర్ వ్యాధులు మొదలైనవి ఉన్న వారికి రిస్క్ ఎక్కువ. అంతేకాకుండా, అఫ్లాటాక్సిన్‌లకు గురికావడం మరియు మద్యపాన వ్యసనం కూడా ప్రమాదకరమైనది. లివర్ క్యాన్సర్ భారతీయ పురుషులలో మరొక సాధారణ క్యాన్సర్. ప్రస్తుతం, భారతదేశం ప్రతి సంవత్సరం 30,000-50,000 కేసులను ఎదుర్కొంటుంది. 2020లో లివర్ క్యాన్సర్ ప్రపంచవ్యాప్తంగా సుమారు 8,30,000 మరణాలకు కారణమయ్యింది.

లివర్ క్యాన్సర్ నివారణలు

• హెపటైటిస్ బి లేదా సి వ్యాక్సిన్ తీసుకోండి.
• ధూమపానం చేయకూడదు.
• మద్యపానం తగ్గించండి లేదా మానేయండి.
• ఆరోగ్యకరమైన బరువును మెయింటేన్ చేయండి.
• డయాబెటిస్‌ను నియంత్రణలో ఉంచండి.

4. ప్యాంక్రియాటిక్ క్యాన్సర్

ఈ క్యాన్సర్ ప్యాంక్రియాస్ కణజాలలో ప్రారంభమవుతుంది. ప్యాంక్రియాస్ అనేది మీ కడుపు దిగువ భాగం వెనుక ఉన్న మీ ఉదరంలోని ఒక అవయవం. ఇది మీ జీర్ణక్రియకు సహాయపడే ఎంజైములను విడుదల చేయడం మరియు మీ రక్తంలో చక్కెర స్థాయిలను మ్యానేజ్ చేయడానికి, హార్మోన్లను ఉత్పత్తి చేయడానికి బాధ్యత వహిస్తుంది. ఈ క్యాన్సర్ వెనుక సరైన కారణాలు లేవు. అయితే, కొన్ని సాధారణ ప్రమాద కారకాలలో ధూమపానం, మధుమేహం, ప్యాంక్రియాటైటిస్ మరియు ప్యాంక్రియాటిక్ క్యాన్సర్ యొక్క కుటుంబ చరిత్ర ఉన్నాయి.

ప్యాంక్రియాటిక్ క్యాన్సర్ లక్షణాలు

• కడుపు నొప్పి
• ఆకలి లేకపోవడం
• చర్మం పసుపు పచ్చగా మారడం
• చర్మం దురద గా ఉండటం
• రక్తం గడ్డలు కట్టడం
• బలహీనత

ఈ క్యాన్సర్‌ను అభివృద్ధి చేసే అధిక ప్రమాదంలో ఉన్న వ్యక్తులు ధూమపానం చేసేవారు. అంతేకాకుండా, ఊబకాయం మరియు మధుమేహం ఉన్న వ్యక్తులు కూడా ఈ క్యాన్సర్‌ను అభివృద్ధి చేయవచ్చు. భారతదేశంలో పురుషులలో కనిపించే క్యాన్సర్ల జాబితాలో ప్యాంక్రియాటిక్ క్యాన్సర్‌ను పరిగణించవచ్చు. 2020లో ప్యాంక్రియాటిక్ క్యాన్సర్ వల్ల సుమారు 4,32,242 మరణాలు సంభవించాయి. ఇటీవలి నివేదిక ప్రకారం, భారతదేశం 10,860 కొత్త ప్యాంక్రియాటిక్ క్యాన్సర్ కేసులతో 24వ స్థానంలో ఉంది. ప్యాంక్రియాటిక్ క్యాన్సర్ వల్ల కలిగే మరణాల విషయంలో భారతదేశం ప్రస్తుతం 18వ స్థానంలో ఉంది.

ప్యాంక్రియాటిక్ క్యాన్సర్ నివారణలు

• ధూమపానం చేయకూడదు.
• ఆరోగ్యకరమైన బరువును నిర్వహించండి.
• డయాబెటిస్‌ను నిర్వహించండి.
• మీ కుటుంబంలో ప్యాంక్రియాటిక్ క్యాన్సర్ చరిత్ర ఉంటే, మీ వైద్యుడితో మాట్లాడండి.

5. నోటి క్యాన్సర్

ఈ క్యాన్సర్ నోరు లేదా గొంతు కణజాలలో అభివృద్ధి చెందడం ప్రారంభమవుతుంది. నోరు, నాలుక మరియు పెదాల చుట్టూ ఉన్న స్క్వామస్ కణాలలో ఈ క్యాన్సర్‌ను అభివృద్ధి అయ్యే అవకాశం ఎక్కువ. హ్యూమన్ పాపిల్లోమావైరస్ (HPV) ఇన్ఫెక్షన్ తరచుగా ఈ క్యాన్సర్‌కు కారణమవుతుంది. అంతేకాకుండా, పొగాకు వినియోగం మరియు సూర్యకాంతికి గురికావడం కూడా సాధారణ కారణాలు.

నోటి క్యాన్సర్ లక్షణాలు

• నోటి నుండి రక్తస్రావం
• పెదాలు లేదా నోరు నొప్పి
• మింగడం కష్టంగా ఉండటం
• నిరంతర చెవి నొప్పి ఉండటం
• అకారణంగా బరువు తగ్గడం
• ముఖం దిగువ భాగంలో చలనశక్తి లేకపోవడం
• నోరు లేదా పెదాలపై తెలుపు మరియు ఎరుపు చారలు
• గొంతు నొప్పి

ఓరల్ క్యాన్సర్ భారతీయ పురుషులలో సాధారణ క్యాన్సర్లలో ఒకటి. 40 సంవత్సరాల కంటే ఎక్కువ వయస్సు ఉన్న పురుషులు ఈ వ్యాధికి గురయ్యే అవకాశం ఎక్కువ. మద్యం మరియు ధూమపానంకు అలవడిన వ్యక్తులు ఈ క్యాన్సర్ విషయంలో అధిక ప్రమాదంలో ఉన్నారు. ఒక అధ్యాయనం ప్రకారం, భారతదేశం ఈ వ్యాధి కారణంగా దాదాపు 77,000 కొత్త ఓరల్ క్యాన్సర్ కేసులను మరియు 52,000 మరణాలను నమోదు చేసింది. ఈ క్యాన్సర్ సోకిన వ్యక్తులలో ఐదు సంవత్సరాల సర్వైవల్ రేటు దాదాపు 80% ఉంది.

నోటి క్యాన్సర్ నివారణలు

• పొగాకు వాడేవారైతే, వీలైనంత త్వరగా మానేయండి.
• ఆల్కహాల్ మానేయడం మంచిది.
• HPV వ్యాక్సిన్ తీసుకోండి.
• మీ కుటుంబంలో నోటి క్యాన్సర్ చరిత్ర ఉంటే, మీ వైద్యుడితో మాట్లాడండి.

క్యాన్సర్ నివారణకు ఆయుర్వేద నియమాలు

ఆయుర్వేదం అనేది మన దేశ సంపద, ఇది పూర్తి ఆరోగ్యాన్ని మరియు శ్రేయస్సును ప్రోత్సహించడంపై దృష్టి పెడుతుంది. ఆయుర్వేదం క్యాన్సర్ నివారణ కోసం కొన్ని సలహాలను అందిస్తుంది. అవేంటంటే..

ఆరోగ్యకరమైన ఆహారం తినండి: ఆయుర్వేదం, శుభ్రమైన, పోషకమైన ఆహారం తినడం యొక్క ప్రాముఖ్యతను నొక్కి చెబుతుంది. ఇది క్యాన్సర్‌కు కారణమయ్యే ఫ్రీ రాడికల్స్‌ను తగ్గించడంలో సహాయపడుతుంది. ఆయుర్వేదం, ఫైబర్ అధికంగా ఉండే పండ్లు, కూరగాయలు, తృణధాన్యాలు మరియు డ్రై ఫ్రూట్స్‌ను తినడం సిఫార్సు చేస్తుంది. ప్రాసెస్ చేసిన ఆహారాలు మరియు శుద్ధి చేసిన చక్కెరను తినడం మానేయడం మంచిది.

క్రమం తప్పకుండా వ్యాయామం చేయండి: వ్యాయామం సంపూర్ణ ఆరోగ్యాన్ని ప్రోత్సహించడంలో సహాయపడుతుంది, ఇందులో క్యాన్సర్ నివారణ కూడా ఉంటుంది. వ్యాయామం, శరీరాన్ని ఆరోగ్యంగా ఉంచడానికి సహాయపడుతుంది మరియు కణాలకు హాని కలిగించే ఫ్రీ రాడికల్స్‌ను తగ్గించడంలో సహాయపడుతుంది. ఆయుర్వేదం రోజుకు కనీసం 30 నిమిషాలు వ్యాయామం చేయాలని సిఫార్సు చేస్తుంది.

శారీరక మరియు మానసిక ఒత్తిడిని నిర్వహించండి: ఒత్తిడి కణాలకు హాని కలిగించే హార్మోన్ల విడుదలకు దారితీస్తుంది, ఇది క్యాన్సర్ ప్రమాదాన్ని పెంచుతుంది. ఆయుర్వేదం యోగా, ధ్యానం మరియు ప్రకృతిలో సమయం గడపడం వంటి శారీరక మరియు మానసిక ఒత్తిడిని తగ్గించడానికి సహాయపడే అనేక పద్ధతులను అందిస్తుంది.

సరిపడా నిద్ర అవసరం : నిద్ర శరీరానికి పునరుద్ధరించడానికి మరియు కణాలను మరమ్మత్తు చేయడానికి సమయం ఇస్తుంది. ఆయుర్వేదం రాత్రి 8-10 గంటల నిద్రను పొందాలని సిఫార్సు చేస్తుంది.

సరైన శుభ్రతను పాటించండి: శుభ్రత అనేది మొత్తం ఆరోగ్యాన్ని మరియు శ్రేయస్సును ప్రోత్సహించడంలో ముఖ్యమైన అంశం. ఆయుర్వేదం రోజూ స్నానం చేయడం, పళ్ళు తోమడం మరియు మీ నోరు మరియు గొంతును శుభ్రంగా ఉంచడం యొక్క ప్రాముఖ్యతను నొక్కి చెబుతుంది.